شبكة إنفراد الإخبارية شبكة إنفراد الإخبارية
يوم جديد يحمل تصاعد مستمر فى عرض مشكلات مزمنه فى الشارع المصري
اختلاط مياه النيل بالصرف الصحي
غلاء الأسعار نقص المعروض من السلع الأساسيه زي أغنيه السكر غلي وانا احلي بإيه
والسؤال فى مشاكل ؟ طبعا فيه
لكن بجب ان لا ننسي انها ميراث سنين طويله والجديد منها مولود طبيعي لذلك الميراث
القضايا يا ساده مَش هتتحل لما ننندب حظنا
وننعي املنا ولا بمتابعة استاذ عارف وطنط فاهمه مع مصصمه الشفايف
ولا بترديد كلامهم الخبير فى تكسيرنا
قال يعني احنا ناقصين ضغوط
ما احنا عايشين جواها اكتر منهم بكتير
لأنهم بيتكلموا عن الميه وهما بيشربوها معدنيه والسكر المختفي وهما بيحلوا بالعسل
هما علاقتهم بالمشكلة علي اد مده الحلقه
او زمن كتابه البوست علي صفحته على الفيس بوك واحنا علاقتنا بالمشكلة حياه معاناه مستمره
يأس يضربنا من جوه يخلينا كارهين نروح الشغل يخلينا مَش قادرين نفكر فى بكره
يخلينا ملفوفين فى عتمه افكارهم
اللي بتحجب عنا اي نور
طيب احنا فينً دماغنا.
راحت فينً
ليه منقررش نسمع ونتابع
بس نحلل ونشوف بعقولنا
احنا اصحاب المعاناه
ليه مَش بنسأل هما ليه مَش بيقدموا المشكله معاها حلول او مقترحات حتي للحلول ؟؟
ليه وهما بيتكلموا عن السلبيات بينسوا يتكلموا عن الايجابيات ؟؟؟
احنا ليه أدمنا الشكوي؟؟
احنا ليه ادمنا الكسل ؟؟؟
يلا نتعب شويه ونقف مع دماغنا ونسالها هى ليه واخده اجازه
الدنيا حوالينا بتتغير المشاكل محتاجنا عشان تتحل معرفه المشكله لوحده مَش كفايه
ان حل المشكلات المتعلقه بالاحتياجات الأساسيه قضيه أمن قومي
لكن التضليل
وبث روح اليآس
واعلاء شعار ما فيش فايده
قضيه خيانه وطن
وهزيمة شعب
