شبكة إنفراد الإخبارية شبكة إنفراد الإخبارية
انا حر
البس اللي انا عايزه
…. اكل اللي انا عايزه
… اشرب اللي انا عايزه
… اختار اللي انا عايزه
… أتكلم زي ما انا عايز
وماله انت حر
بس المهم .. مضايقش حد بحريتك
يعني لما تقول اللي انت عايزه
كلامك ميجرحش غيرك
ولما تاكل او تشرب إللى انا عايزه
آكلك ميضرش جسمك او يصيبك بالامراض
انت مش حر تدمر النعمه إللى ربنا ادهالك
لا مش حر
انت مش حر تسئ أدبك وانت بتتكلم وتقول الفاظ ميصحش تتقال او تجرح بيها شخص تاني
لا مش حر
الحريه مش سوء تربيه وما فيش اي علاقه بين الحريه وبين الألفاظ البذيئة اللي بقت جزء من مفردات شبابنا و أصبحت بيستعرضوها فى كلامهم
زي ما بيستعرضوا فورمة الساحل فى فصل الصيف
واكنها حاجه عاديه خالص
ودي اول خطوه فى انهيار الأخلاق
من حق كل جيل تكون له خصوصية
والاختلاف سنه بين كل جيل واللى قبله
بس القصه مش فى الاختلاف
وان دايما الشباب شايف نفسه صح وانه عارف كل حاجه ومش محتاجه نصيحه من حد ولا خبره حد
الحكايه يا سيد حر وَيا ست حره
يلي عارفين وفاهمين
ومش محتاجين اي معلومه من اي حد كان كبير
او خبير
انك لازم تصنع حريتك بإيدك وقبل كده لازم تبقي فاهم يعنى ايه حريه
وعشان تنجح فى صناعتك وتكسب حريتك لازم تسمع وتشوف بعقلك قبل ودانك وعينيك
بس الصناعه يا ساده محتاجه خلفيه معرفيه
ودي تجيبها منين ؟
من خبرات اللي سبقوك حتي لو اختلفت معاهم
من الكتب من القصص من التواصل مع الآخرين
الحياه سلسله دواير تتقاطع لنستمر
اخرجوا من بين ضفاف الأنوية. ….
تعرفوا علي معني الحريه قبل ان تطالبوا بها
الحريه ان احيا فى إطار اي إطار
لا تسمح لأحد ان يفرضه عليك
وابعد عن المستورد
اختاره لنفسك وبنفسك عشان تتحمل مسئولية اختيارك
الإطار يا سياده
كالحدود بين الدول يحمل فى طياته حمايه لذاتك واحترام لخصوصية الآخرين
والدول ذات الحدود المتاحة يا ساده
ضعيفه معرضه للاستعمار
والإنسان بلا إطار مستباح عقله
مستعمره دماغه
فعن اي حريه تتحدثون
حريه المُستعمر
ام المُستعمٓر
عزيزي .الحر عزيزتي الحره
اشتري دماغك
تكسب حريتك
